مقااالب شباب لا تفــــــــــــــــتوتكم ...

مقالب شباب


مـنـقـــول

يعني مهوب انا اللي قايلها و كاتبها

يقولك فيه خمسه شباب على الدين ربع منذ مبطي يعني فري وراعين مقالب مع بعض ولا أحد يزعل من الثاني أبد المهم دارت الدنيا وعزم واحد فيهم يتزوج وفي ليلة عرسه اتفقوا الأربعه الباقين انهم يسوون مقلب بالرجال في ليلة عرسه

وشسووا المجنن راحوا للشقه اللي بياخذ زوجته لها بعد الحفل وكسروا مفتاح في الكولون حق الشقه عشان ينقع هو وزوجته ولا يقدر يفتح الباب وبعدين رجعوا للحفل لا ويباركون له كن مافيه شي المهم الرجال يوم خلص الحفل خذا زوجته وراح للشقه كني اشوفه زاعط عمره انه تزوج وصار له بيت له لحاله ويوم جاء عند باب الشقه ورازن وجهه هو وبشته طلع المفتاح يبي يفتح الباب...ايه هين قابلني ان فتحته ويبي المفتاح يدش منا ولا منا ما فيه فايده وشوي الا جواله يدق اثاريهم الربع

الو

الا يسمع كركره وضحك

هاه انفتح الباب انطرني اذا فتحته لا تحاول ترى منت بقادر دبر عمرك.كرررر....قع قع قع

الرجال تعوذ من ابليس وراح فندق يعني دبر عمره بس السالفه ما نساها وخل الأمر طبيعي وبعد شهر من زواجه

جاه أبليس وقال خذ قضاك من الرجاجيل

قال له أفا ما طلبت شي ويدق على ربعه وهم ما عندهم من الشيطان قطعه ناسين موضوع المفتاح وقالهم ترى بكره عشاكم عندي أبي أذوقكم طبخ المره والربع عزوبيه ما صدقوا خبر يعني بالعربي مشفح ووافقوا

وقالوا تم

ويقوم اليوم اثاني من صبح ويدور بحارتهم ويصيد أربعة قطاوه ويقطع رؤوسهن ويحطهن بقدر ويصلخ جلودهن ويقطعهن وياخذ القدر اللي فيه الؤوس ويدسه في المجلس ويودي الباقي لزوجته

ويقولها ترى الليله ربعي بيتعشون عندي وابيك تسوين مكرونه بهالأرانب المسكينه ما تدري وتوها معرسه وتشتط ويوم جاء الليل ويجون المشفح ويقلطهم خوينا ويتقهون ويوم خذوا شوي

قالهم خوينا أحط عشاكم قالوا حطه ويحط العشاء ويقلطهم عز الله اللي ما قلطهم على خير الا ذيك المكرونه اللي تحبها قلوبكم وتدرج سعابيلهم ويتعشون وخوينا

قال انا بتعشاء عقبكم ويدقون دق الين طلعت المكرونه من عيونهم لا ويمزمزون العظام تمزمز بعد ويوم خلصوا

قال خلني اجيبلكم الحلى جعله ما يحلى ويجيب القدر اللي فيه الرؤوس ويحطه قدامهم ثم

قالوله والله انك قروي حاط الحلى بقدر

قال أفتحوه وبعدين تعرفون ليه حاطه بقدر وفتحوه

وقالوا الله يخسك وش ذا

قال الله وأكبر عليكم منساع تمزمزون بعظامهن والحين تلوع كبودكم تراها وحده بوحده

العن ابو الأنتقام اللي أغمى عليه واللي طلع ما في بطنه واللي السالفه ما خلصت للحين الربع يبون قضاهم بعد وخلوا الموضوع يمر وبعد ست شهور جت حزة الانتقام كان شتاء العصر والجو مغيم يعني جو بر ويدقون على خوينا اللي نسى سالفة القطاوه

ويقولون له تخاوينا للبر ساعتين ونجي والمغفل

قال قدام العن ابو ورى

قال واحد منهم أنا بمر عليك بسيارتي ويمره ويروحون

الا الشباب قدامهم كلن في سيارته ويمسكون الرجال ويربطونه ويحفرون حفره ويحطونه فيها ما خلوا الا راسه طالع ويركب كل واحد في سيارته ويسوون حركة زايد + وهو بالنص ما طالع الا راسه وكل واحد يجي طاير ميه وعشرين بالدورمن فوقه لمدة نص ساعه الين ما استخف الرجال وفقد عقله صحيح

الفايده من هالقصه انك لا عاد تامن احد غير بنات المذن وإلا لا تاكل